TABAKALERA OBRA
Asteazkenero, Tabakalerako eraikina bizitzen ari den obren inguruko edukiak argitaratuko ditugu. Eraikin barruan gertatzen ari diren eraldaketak ezagutzea ahalbidetu nahi dugu eduki horiek argitara emanaz. Argazkiak Idoia Unzurrunzagak eginak dira.
JARDUERAK
IKUSTEN EZ DENA: ZINEA, PERZEPZIOA ETA MUTURREKO EGOERAK
Maiatzak 29tik 31 arte
Zine esperimentalaren inguruko topaketa eta tailerra Ben Rivers, Ben Russell eta Garbiñe Ortegarekin.
Tabakalerak Ben Rivers eta Ben Russell ikus-entzunezko artistek eta Garbiñe Ortega komisarioak zuzendutako tailerra proposatzen du. Hiru egun iraungo duen tailer honetan, zine dokumental esperimentalaren inguruko joera eta molde berrien gainean hausnartzeko helburuarekin, ikus-entzunezko materialaren ikustaldiak, ariketa praktikoak eta solasaldiak egingo dira, aipatu gonbidatuekin. Info +
Maiatzak 17 Easo kalean (lehengo suhiltzaileen egoitzan)
Kfé Innovación herritarren parte hartzea oinarri duen lan metodologia bat da. Sormen kolektiboa sustatzea da ekimen honen helburua eta berdintasuna, horizontalitatea, xalotasuna eta independentzia dira ezaugarriak. Edonork antolatu lezake kfé bat edo jadanik egoitza badaukatenetan izena eman. Tabakalerak Donostian antolatu dituzten bi taldeetan parte hartuko du.
Maiatzak 18 San Telmo Museoa
Scratch Day MIT Media Lab elkarteko “Lifelong Kindergarten Group” taldeak sortutako eta garatutako ideia da. Munduko hainbat puntutik aldi berean egiten den jardunaldia da, eta gertakari bakarrean batzen ditu elkarbanatzen ikasteko eta ikasten elkarbanatzeko interesa duten pertsonak, betiere Scratch lotune dutelarik. Aurreko ediziotan bezala, Tabakalerak bat egin du Scratch egunarekin.
>
JARDUEREN HISTORIKOA
Atal honetan Tabakalerak antolatutako jardueren bilduma osatu nahi izan dugu. Orain artean 2007tik 2012ra artekoak bildu ditugu. Laster ipiniko ditugu 2013ko lehen seihilabetean burututakoak ere bertan ikusgai.
