Tabakalera es el proyecto que convertirá la antigua fábrica de tabaco de Donostia-San Sebastián en un Centro Internacional de Cultura Contemporánea, especializado en cultura visual.
El arte contemporáneo, la televisión, el vídeo y el cine, el diseño y el sonido confluirán en un mismo espacio. Un espacio singular de exposiciones y programas audiovisuales y, sobre todo, un lugar para trabajar, para producir, para crear. Una fábrica de imágenes.
Mientras se desarrolla el proyecto y avanzan los preparativos para renovar el edificio, Tabakalera organiza exposiciones, ciclos, debates. Sus actividades conviven en los espacios de la fábrica con grabaciones, rodajes y eventos producidos por otros agentes del entorno. Tabakalera es ya un lugar vivo.
Online ikastaroa 'Informazioaren kudeatzailea eta bitartekaria'
Tabakalerak, Eusko Ikaskuntzaren Asmoz Fundazioarekin elkarlanean, “Informazioaren kudeatzailea eta bitartekaria” izeneko ikastaroa antolatu du heldu den apirilaren 12tik uztailaren 9ra.
Ikastaroaren jomuga informazioaren kudeatzaileak trebatzea da, informazioaren eta erabiltzaileen artean bitartekari gisa jardungo duten profesional berriak heztea.
Informazioz gainezka dagoen munduan bizi gara, hiritarrak sekulako dokumentu piloa dauka eskura eta eduki berriak, askotarikoak eta denetariko eragileek sortutakoak etengabe ari dira sortzen. Itxuraz, beste inoiz baino errazagoa da bilatzen ditugun erantzunak aurkitzea, baina aitzitik, informazio hori kudeatzeko zailtasunak biderkatu egiten dira, hala nola, informazio hori antolatzea, aukeratzea, mantentzea, beste iturri batzuekin harremanetan jartzea edo benetan behar dugun horretarako sarbide errazak aurkitzea.
Testuinguru horretan, premiazkoa ikusten dugu bakoitzaren beharren arabera bilaketak egiteko, ebaluatzeko eta modu egokian komunikatzeko gai den figura profesional bat. Beraz, “Informazioaren kudeatzailea eta bitartekaria” ikastaroa profil profesional hori garatzeko beharrezko diren tresnak eskaintzeko asmoz sortu da, hiritarraren (edozein adin, bizibide edo ikasketa mailatakoa izanik ere) eta informazioaren arteko aholkulari eta bitartekari lana burutuko duten profesionalak trebatzeko helburuarekin.
Ikastaroak hainbat profil ezberdinengana iristeko asmoa du: euren lanbideari bultzada bat eman nahi dioten informazioaren kudeatzaileak (liburuzainak, dokumentalistak...), eta baita edozein alorretan espezializatutako profesional izanik, euren ibilbide profesionala bitartekari lanetarantz zuzendu nahi dutenak. Gaur egun, interes gune guztiek behar dituzte hiritarrek informazioa erraz eskuratzea ahalbidetuko duten kudeatzaile profesionalak.
Ikastaroa online garatuko diren lau modulutan antolatua egongo da: Informazioaren eta Dokumentazioaren Oinarriak; Teknologia, zerbitzuak eta giza baliabideak; Komunikazioa, bitartekaritza eta berrikuntza eta Informazioaren lege-ikuspegia. Ikasle bakoitzak lan bat burutu beharko du, ikastaroan zehar irakasleek jarraitu eta zuzenduko dutena. Honez gain, Sarean egingo diren saioen osagarri gisa, inaugurazio konferentzia bat izango da eta baita ere egun eta erdiko iraupena izango duen saio presentzial bat Tabakaleran.
Ikastaroaren atal bakoitza profesional entzutetsu batek koordinatuko du eta ebaluaketa jarraitua izango da. Helburua protagonismo guztia ikasleei ematea da, eta Learning by doing (eginez ikasi) moduko trebakuntza praktikan jartzea.
Ikastaroaren zuzendaria Javier Leiva izango da, Catorze Asesoria Internet SL –ko (Catorze.com) bazkide sortzailea eta Vic-eko Unibertsitatean Informazio eta Dokumentazioko eta Alcalako Unibertsitateko 2.0 Komunikazioa masterreko irakaslea. Aurretik Fesabid-en dokumentalista gisa lan egin zuen eta Parisko Colegio de España-ko liburutegian ere aritu zen. Gainera, ikastaro eta hitzaldiak ematen ditu maiz, web sozialek eta enpresen online bidezko ospeak eskaintzen dituzten aukeren gainean.
Eusko Ikaskuntzaren baitan sortutako Asmoz Fundazioak hamahiru urte daramatza ikastaroak, beraienak eta beste eragileek (Unibertsitateak eta bestelako erakundeak) antolatuak, kudeatzen. Bere helburu nagusia sare telematikoen bitartez formakuntza jarraitua eta kalitatezkoa eskaintzea da.
Tabakalera, Donostiako tabako fabrika izandakoa, ikusizko kulturaren fabrika bilakatzeko bidean da, bereziki ikus-entzunezko sorkuntza sustatuko duen Kultura Garaikidearen Zentroa izango da aurki. Bere jardunari lotutako gaietan espezializatutako mediateka bat izango du eta aro digitalak eskaintzen digun testuinguru berri honetan, kultur esparruko profesionalen nahiz hiritarren informazio-beharrizanei erantzungo dieten hainbat zerbitzu garatuko ditu.
“Informazioaren kudeatzailea eta bitartekaria” ikastaroa Tabakalerak berrikuntzaren alde egiten duen apustuan kokatzen da eta erronka horiei aurre egiteko, informazioaren kudeaketaren esparruan profil profesional berriak sortzeko premian.
Matrikulazio epea zabalik egongo da martxoaren 29a arte. Ikastaroa gaztelaniaz izango da. Izena emateko eta informazio gehiago eskuratzeko: http://tabakalera-mediateca.asmoz.org
