Tabakalerak Ben Rivers eta Ben Russell ikus-entzunezko artistek eta Garbiñe Ortega komisarioak zuzendutako tailerra proposatzen du. Hiru egun iraungo duen tailer honetan, zine dokumental esperimentalaren inguruko joera eta molde berrien gainean hausnartzeko helburuarekin, ikus-entzunezko materialaren ikustaldiak, ariketa praktikoak eta solasaldiak egingo dira, aipatu gonbidatuekin. Ikus-entzunezkoen inguruko jakin-mina duten pertsonei, esperimentatzeko gogoz eta zinema-narratiba modu berriak ezagutzeko irrikaz daudenei zuzendutako jarduera da. Topaketaren osagarri gisa, arratsaldero, 19:00etik aurrera proiekzio irekiak ere izango dira. Bertan hiru gonbidatuek hautatutako lanak ikusteko aukera izango da.

Ben Rivers eta Ben Russellek Donostian egingo duten geldialdi hau Garbiñe Ortega zine komisario arabarrak gidatutako “tour” zabalago baten parte da. Nolabait musikarien tour baten antza duen bira da, Ben Rivers eta Ben Russellen jarrerak eta lanek asko baitute rock&roll eta punketik. Lehen geldialdia Azala sorkuntza espazioan egingo dute (Lasierra, Araba). Idoia Zabaleta koreografoak gidatzen duen egonaldi artistikoetarako espazio horretan astebeteko topaketa batean (maiatzaren 24etik 29ra) parte hartuko dute bertako sortzaile komunitatearekin. Ondoren, Donostiara etorriko dira, hiru egunetan zehar irudi eta soinuen gainean jardun, esperimentatu eta eztabaidatzeko eta hurrengo pausoak Madrileko La Casa Encendida eta A Coruñako Centro Galego de Artes de la Imagen izango dira, azken honetan 4ª Mostra de Cinema Periférico S8 jaialdian parte hartzeko.

PROIEKZIOEN EGITARAUA. Emanaldi guztiak 19:00etan hasiko dira eta doakoak izango dira

Asteazkena, maiatzak 29: ANTES DE QUE EL MUNDO FUERA PALABRA

- POWER OF TEN. Charles Eames. EE.UU. 1977. Color. Sound. 9 min.
- ORIGIN OF THE SPECIES. Ben Rivers. Gran Bretaña. 2008. Color. Sound. 16min
- AH, LIBERTY! Ben Rivers. Gran Bretaña. 2008. B/W. Sound. 20 min.
- THIS IS IT. James Broughton. EE.UU. 1971. Color. Sound. 10 min.
- THE CREATION AS WE SAW IT. Ben Rivers. Gran Bretaña. 2012. B/W. Sound. 15 min.

Osteguna, maiatzak 30: CIERREN LOS OJOS Y VEAN

- BADLANDS. Ben Russell. EE.UU. 2011. Color. Sound. 10 min.
- I… DREAMIMG. Stan Brakhage. EE.UU. 1988. Color. Sound. 8 min.
- THE ROOM CALLED HEAVEN. Laida Lertxundi. EE.UU. /España. 2012. Color. Sound. 11 min.
- THE QUARRY. Ben Russell. EE.UU. 2002. Color. Silent. 4 min.
- LET US PERSEVERE IN WHAT WE HAVE RESOLVED BEFORE WE FORGET. Ben Russell. Francia/EE.UU. 2013. Color. Sound. 20 min.
- SHE/VA. Marjorie Keller . EE.UU. 1973. Silent. 3 min.
- RIVER RITES. Ben Russell. EE.UU. 2011. Color. Sound. 12 min.

Ostirala, maiatzak 31: ALMA COLECTIVA. Ben Rivers eta Ben Russellen lan berrienen proiekzioa eta ondotik, eztabaida.

Lo desconocido - Ikusten ez dena teaser from Tabakalera on Vimeo.

TAILERRAREN IZENEMATE EPEA ITXITA DAGO

Datak: maiatzak 29, 30 eta 31
Lekua: Arteleku
Ordutegia: 9:30 – 21:00
Parte-hartzaileak: gehienez 15 pertsona
Prezioa: doakoa
Izenematea: Konta iezaguzu minutu bateko bideo batean zergatik nahiko zenukeen tailerrean parte hartu eta bidali bideoaren lotura harremanetarako zure datuekin batera (izen-abizenak eta telefono zenbakia)proiektuak@tabakalera.eu helbidera. Maiatzaren 17a baino lehen.
Tailerreko hizkuntza nagusia ingelesa izango da.

Maiatzak 31, 19:00tan, Okendo kultur etxea (Av. Navarra7)

Hizlariak: Pop-up markets, CO&ART, Fanzine Latourette, Tumaker - Empresa de impresoras 3D, Llévame al Huerto, Sinnergiak, Espacios Intermedios, Festival Creative Commons, Curro Claret, La Casa del Vacío.