Bloga | Tabakalera - Donostia / San Sebastián
2018-10-16 19:15

ETA PUNTU!

20181016ypunto-4.jpg

 

Eta puntu! Guztiok trikotatzera artileakin puntua egiteko Ubiken hilero antolatzen dugun topaketa bat da. Bi ordu irauten dituen saioan, genero eta adin guztietako pertsonak elkartzen gara ikasteko, partekatzeko eta ondo pasatzeko asmoarekin. Gure aurreko belaunaldiek, mimoz, gaur egun arte gorde duten herri ondare txiki horrekin lanean jarraitzeko asmoz.

Gaur egun, zaila izaten da eskulanetan oinarritutako ekintzak aurrera ateratzea makinak alde batera utziz. Eta are zailago diziplina, lana, esfortzua eta kontzentrazio handia behar dugunean zer eta denbora pasarako. Baina bai! Eta Puntu! topaketan aritzen garenok horretan saiatzen gara baina, batez ere, ondo pasatzen sormena landuz eta elkarlana eta partekatzea bultzatuz.

20181016ypunto.jpgPuntua egiteko teknika ezberdinak daude eta esan dezakegu ia etxe guztietan orratzak gurutzatzeko modu ezberdinak daudela eta aniztasun eta aberastasun hori islatu nahi dugu gure topaketan. Berdin zaigu sekula ez baduzu orratzekin jolastu edo egunero aritzen bazara, amonarekin edo osabarekin ikasi baduzu, betiko puntu boboa bakarrik egiten baduzu eta aurrera pausoak ematera ez bazara ausartzen. Helburua elkarrengandik inongo eragozpenik gabe ikastea da.

Askotan orratzak elkarren aurka doazela ikusiko dugu, baina bat-batean elkarlanean ari direla konturatuko gara eta hor, akabo hasierako tentsioak! Batzuk puntuak asko estutuko ditugu, beste batzuk aldiz lasai utzi; gure bizitzan egiten dugun bezala, bakoitzak bere erara, gizabanakoz. Askok diote puntuak lasaitu egiten gaituela eta egia da bai! Baina azken finean, zer egiten gaitu horra iristeak? Nik esango nuke, eskulanek momentua bizitzen laguntzen digutela, horretara egon behar baitugu eskuekin zerbait sortzen, irudimenari amets egiten ahalbidetuz.

20181016ypunto-3.jpg

Joseba Zabaleta Arbelaitz
Eta puntu! topaketaren dinamizatzailea

Gehiago irakurri

  • EQZE irekiera
    2018-10-02

    Espazio bat galdera eta erantzunen lekuen artean

    Elías Querejeta Zine Eskola etxe honetan jaio zen, Gipuzkoako Foru Aldundiak bultzatuta. Hauxe du jaiotoki: Tabakalera, Donostiako tabako-fabrika zaharra, 2015ean Kultur Garaikidearen Nazioarteko Zentro bilakatu zena. Toki horrek nortasuna eta zioa...

    Gehiago irakurri
  • 2018-09-28

    Zirikatzen gaituen zerbait

    Kantatu eta dantzatu, ikertzeko tartea hartu, elkarrekin jan, ibili edo irakurri. Edozein ekintzak dauka tokia, edozein formatuk, edozein gaik. Kolektiboan egingo dugu, irakasleekin, ikasleekin, hemendik pasatzen denarekin, korapilatzeko aukera...

    Gehiago irakurri
  • 2018-09-18

    Ubikeko autoedizio txokoa, zure eskura

    Ubikek hamaika erreminta eta baliabide jartzen ditu erabiltzaileen eskura. Oraingo honetan, autoedizio txokoak eskaintzen dituen aukerak azalduko dizkizugu. Ba al zenekien, tresna ezberdinez gain, doako lantegiak ere eskaintzen ditugula? Ikusi bideoa...

    Gehiago irakurri
  • pianoa plastilina eroalea
    2018-08-30

    Ikasketa-praktikak Hirikilabs-en: Teknologia Txokoak garatzerakoan ikasitakoaz

    Industria elektronika eta automatikako ikaslea izanik, esperientzia berezi baten aurrean nengoen uda hasieran: praktikak egin behar nituen Hirikilabs-en. Egia esan, ez nekien zer espero praktika hauetatik eta, baina hilabete hauen buruan guztiz...

    Gehiago irakurri
  • Sortzaileen Gunea
    2018-08-28

    Egoiliar berriak Tabakaleran

    Ikasturte berriarekin batera, egoiliar berriak iritsiko dira Tabakalerara, Sortzaileen Gunean beren proiektuak garatzeko. 2017an eginiko deialdian aukeratutako proposamenek osatuko dute 2018. urtearen lehen zatian gune horretan lanean aritu den...

    Gehiago irakurri