Bloga | Tabakalera - Donostia / San Sebastián
2018-06-21 13:26

Hiri laborategiak, teknologien burujabetzerako gune

Hiri laborategia teknologiaren aplikazio eta modu anitzetatik abiatuta herritarren proiektuak, jakinminak eta komunitateak garatzeko gunea da. Hiri laborategia ezagutza eta bizipen pluralak abiapuntu hartuta, modu ireki eta zabalean lan egiteko esperimentazio ingurumena da. Hiri laborategia modu partekatu eta zeharkakoan ikasteko edo irakasteko lekua da. Hainbat eta hainbat izan daitezke hiri laborategiaren esanahi eta definizioak eta malguak dira benetan modu honetako laborategi batek izan beharreko ezaugarriak, gehien jota, hiri laborategiak bere izendapenaren baitan egiten duen aitorpena da hau definitzen duena, hiritarra edo herritarra den esperimentaziorako gune da.

Esperimentazio gune bezala laborategiek teknologia ezberdinekin zerikusia duten tokiak dira, bertan teknologiak proiektu eta ezagutzak praktikara eramateko erabiltzen dira eta baita ikerketarako ere. Horrez gain, gaur egun teknologiak gure bizitza zeharkatzen duela esan genezake eta, ondorioz,  laborategian teknologiekin lan egiteaz aparte hau non-nahi topa dezakegula esan genezake. Hori dela-eta, logikoa da baita ere laborategietan teknologien erabileraren inguruko gogoetari atentzio berezia ematea.

Saretan proiektuko irudia - IX Hirikilabs Plaza

Hirikilabs teknologia zergatik, nola eta zertarako erabiltzen dugun hausnartzeko eta horren inguruan esperimentatzeko gunea izan nahi du; bertan teknologia ez da helburu bat, bide bat baizik, prozesuaren erdimuin izatetik prozesuaren parte (garrantzitsu) izatera. Hirikilabs Tabakalera nazioarteko kultur zentroan teknologiaren erabilera soziala, kritikoa, sortzailea eta kolaboratiboa uztartzen dituen kultura digitalari eta teknologiari eskainitako laborategia denez, teknologia hainbat ikuspuntutik aztertu eta berarekin sortzen diren hartuemanak modu kritikoan lantzea helburu du, horretarako hainbat proiektu, lantalde eta prozesu erabiliaz hurbiltze modu ezberdinak ere bermatuz.  Zentzu horretan herritarrengan ere teknologiarekiko hausnartze kritikoa eragiten delakoan.  Begirada kritikoa, tresnak eta partekatu-zabaltzeko dinamikak menperatzea burujabetzarako bide direla ulertzen dugu beraz.

Hiru dira burujabetzearen bide horretan laborategian burutzen ari diren prozesu nabarmenenak:

 

  • Software eta hardware libre tresnetan trebakuntza. Lantegi moduan libreak diren hainbat software (gimp, freecad, inkscape, blender, kicad…) eta hardware (3d inpresorak, arduino, shapeoko moduko fresadorak ) tresnetan hastapena egiteko saioak errepikatzen dira aldiro laborategian modu publiko eta doakoan.

  • Teknologia eta hezkuntzaren arteko uztartzearen analisia. Bigarren hezkuntzan batez ere ari diren irakasleekin martxan jarritako lantalde irekiak Ikasgelatik laborategira liburuxkaren argitaratzea izan zuen lehen emaitza bezala. Gerora ikasgelatik laborategira urteroko topaketa bilakatu da eta bertan hezkuntzan teknologia berrien sarrerak (robotika, kodea, 3d inpresioa, STEAM mugimenduak) izan ditzaken zergati eta moduak aztertu eta egiteko era eredugarriak planteatzen saiatzen dira.

  • Egiteko modu irekien inguruko praktikak. Herritarren proiektu (Hirikilabs Plaza) eta lantaldeak (Lantalde irekiak) garatzeko orduan partekatzea eta irekitzearen praktikak sustatzen dira ere pedagogia ireki edo librezalea ahalbideratzeko asmoz.

Gehiago irakurri

  • software libre ubik
    2018-06-12

    Software libreak, teknologiaz haratago

    Hogei urte beteko dira Richard Stallmann-ek, software librea mugimenduaren sustatzaile nagusienetakoak, “Software libre para una sociedad libre” (2002) liburua idatzi zuela. Bertan aipatzen zuen ideia zen jaberik gabeko software-ak eratu behar zirela...

    Gehiago irakurri
  • Cine flúor
    2018-06-05

    Aurriritzirik gabeko zinema. Flúor.

      Badago zinema sailkaezin bat, zeinarentzat beste definizio batzuk asmatu behar baitira. Fluor zinema buruaren eta arimaren egoera bat da: generoak nahasten dituen eta umorearekin eta metazinemarekin jolasten den zinema; historiaren eta beren...

    Gehiago irakurri
  • urumean lokatzen laginketa
    2018-06-01

    Muddy Waters: ingurumenaren ikerketari buruzko hiritar-proiektua

      Urte hasieran, blog honetan bertan[1], azaldu genizuen Ingurumenaren Hiritar Ikerketarako Talde bat dagoela Hirikilabsen, IMVECek koordinatua. Talde horretan munduko hainbat lekutako jendeak parte hartzen du, leku desberdinetatik. Baina hemen,...

    Gehiago irakurri
  • harrotu ileak
    2018-05-29

    Enkontru baten ondorenak

    Pasa da “Migrazio Prozesuak Hirian” topaketa. Hiru egunetan zehar, elkar ezagutu eta elkar hunkitzeko aukera izan dugu. Errealitate poliedriko baten ertz (zorrotz) ezberdinak mahai gainean jarri ditugu, ikusgarri egin. Entzun eta eztabaidatutakoek...

    Gehiago irakurri
  • Itziar Okariz
    2018-05-24

    Itziar Okariz: ulermenaz, gorputzaz, espazio publikoaz...

    Itziar Okarizen I Never Said Umbrella erakusketa azken txanpan sartu da; ekainare 3an itxiko ditu ateak. Baina itxiera aurretik, amaiera gisa, ekainaren 1 eta 2rako jarduera programa bat proposatzen dizuegu: mahai inguruak, performanceak, hitzaldiak,...

    Gehiago irakurri