MARA-MARA / SATAA LUNTA (Or A soft hiss of this world) - Mikel R. Nieto | Tabakalera - Donostia / San Sebastián

MARA-MARA / SATAA LUNTA (Or A soft hiss of this world)

Egoiliarra: Mikel R. Nieto

Antropozenoaren ondorioz gertatu den hizkuntza galera ikertzen du proiektu honek, berezko eran ingurumenean gertatzen diren egoera eta prozesu batzuk ez daudelako, hala nola uraren, elurraren eta izotzaren egoera desberdinak. Finlandieraz berrogei terminotik gora dago* horiek aipatzeko eta, hitz horiek ikerketa-abiapuntu harturik, proiektu honek prozesu natural horietako gehienen soinua jasoko du, eta horien falta edo grabatzeko ezintasuna nabarmenduko du, jadanik ez daudelako edo desagertu direlako.

Hortaz, elur malutak proiektu honen materia soinuduna izango da eta soinu hori, baita elur maluten arteko soinu desberdintasun posibleak ere, atzemateko material bereziak eta espezifikoak garatuko dira, hain berezia den grabazio prozesu honi begira. Jakina denez, pertsonek Artikoan ikus eta entzun ditzaketen zenbait gauza ezinezkoak gertatzen dira planetaren gainerako lekutan. Baldintza atmosferiko bereziek eragiten dituzte fenomeno horiek eta latitude horietako pertsona batzuek deskribatu egin dituzte guztiz urruti gertaturiko soinuak edo mehetasun izugarrikoak. 

Hemen oroitu daiteke Joseph Scrimger-ek euriak, kazkabarrak eta elurrak ur azpian eragindako soinua kalkulatu nahi izan zuela 1985ean (Nature 318, 647). Scrimger-ek etengabeko soinu bat aurkitu zuen elurteetan, baina ezin izan zuen horren iturburua aurkitu. Lawrence Crum, Seattle-ko Washington Unibertsitatekoak grabazio horiek entzuterakoan iradoki zuen ezen soinu konstante horretan mikrosoinu kopuru handi bat zegoela, banakako malutek uraren gainean eragindako kolpeei zegokiena. Bestela esan, eta Crum-en teoriari jarraituz, elur malutek soinua eragin eta errepikatzen dute, eta are instrumentu baten gisa jo egiten dutela gaineratuko genuke. 

Proiektu honek ondoko babesleak ditu: Kone Foundation, Etxepare, Suediako Espainiar Enbaxada eta EMS Elektronmusikstudion (Stockholm). 

_

* Oharra: Hona finlandieraz ur, elur eta izotzaren egoerei dagozkien hitz batzuk: sataa lunta, lumi, pyri, myräkkä, rae, räntä, tuisku, laviini, hyhmä, loska, sohjo, ahto, ahtauma, jää, kide, kohva, paanne, railo, röpelö, tökkö, iljanne, hanki, huurre, härma, kinos, kaljama, kuura, nietos, nuoska, polanne, tykky, viti, avanto, jotos, latu, rannio, nirskua, narskua, kirskua, nitistä, narista, mora, banquisa… 

 

Dokumentazioa

 

Egoiliarrak

Mikel Nieto

Mikel R. Nieto

Comisario, artista e investigador