Esploratzaileak - Martxel Mariskal | Tabakalera - Donostia / San Sebastián

Esploratzaileak

Pentsamendu kritikoaren inguruko irakurketa taldea

Esploratzaileak - Martxel Mariskal

2016ko urtean zehar bizitu eta partekatu genuen Outline. Pentsamendu kritikoa entretenimendu eta hiperatibitatearen gizartean izeneko saio sortari jarraituz, Ubik Takalerako sorkuntza liburutegirik 2017rako topaketa sail berri bat proposatu zuen. Parte-hartzaileak izango ziren aktore protagonistak; honexegatik, hain zuzen ere, egoki iruditu zitzaigun Esploratzaileak izenburua ezartzea.

Liburutegia bera da edukien hornitzailea, euskarri desberdinetan eskaintzen zaizkigunak, liburu eran dela, komiki eran dela, ikus-entzunezko formatuan... Xede dugu topaketa sail berri hau irekia, plurala, eta ahots askotarikoa izatea, aldi berean ohikoagoak diren beste zenbait eszenatokietatik aldentzen garelarik, zeinetan ikasketa-objektua eduki bera eta bakarra izaten den; Esploratzaileak saioetan parte-hartzaile bezainbat eduki izango ditugu eta guztiok izango dugu aukera hilabeteko tartean irakurri, ikusi, entzun, aztertu izan dugun materiala gerora taldean azaldu, komentatu eta partekatzeko.

Honenbestez, egitura berria baina topaketen enbor-esentzia bera: egungo gizartean sakondu, pertsona eta bere testuinguru fisikoa, emozionala eta birtualari buruz gogoeta egin, mugimendu sozialak denon artean aztertu, eta hauekin, garen gizabanakoak hobeto ulertzen ahalegindu.

Gure saioetan inor ez dago hitz egitera behartuta, bai ordea entzutera, eta bata besteari zenbat eta gehiago entzun, are gehiago izango dira beraien ekarpena egitera ausartuko zaizkigun ahotsak eta, honenbestez, ezbairik gabe, handiago izango aberastuko gaituzten galderen, hausnarketen zein planteamenduen kopurua.

Martxel Mariskal izango dugu foroaren gidatzailea, bere zeregin nagusia saioak partaidetza bizikoak, eramangarriak, eta interesgarriak bezain laketgarriak gertatzen saiatzea izango da.

Hauxe bada Esploratzaileak saioen planteamendua eta izatearen arrazoia. Behin abian, ez da ez aukerarik faltako gure topaketen dinamika hobetzea bilatzen duten proposamenei leku egiteko. Beraz, hemen duzu gonbita. Zuri dagokizu orain arakatzea eta partekatzea, zuri dagokizu esploratzaile izatea. Igo zaitez espediziora!

 

2018ko saioak:

  • Urtarrilak 27
  • Otsailak 24
  • Martxoak 24
  • Apirilak 28
  • Maiatzak 26
  • Ekainak 30
  • Irailak 29
  • Urriak 27
  • Abenduak 1
  • Abenduak 29

  • Data: Larunbata, 2017ko Urtarrilak 28 > Larunbata, 2018ko Abenduak 29
  • Ordutegia: 11:30-13:30 (Hilabeteko azken larunbatean)
  • Lekua: Ubik. Tabakalerako sorkuntza liburutegia
  • Hizkuntza: EU+ES
  • Pertsona Kopurua: 25
  • Sarrera: Izen ematea
  • Prezioa: Doan
  • Norentzat: +16 urte

Guests

Martxel Mariskal

Bere sormen-lana literaturan eta musikan bideratu du batik bat.

También te puede interesar

Ubik sorkuntza liburutegian dauden eduki erlazionatuak