Fokuak (FK) - Gutun zuria: Felipe Montoya, Komisarioa. EQZE Alumni - | Tabakalera - Donostia / San Sebastián

Gutun zuria: Felipe Montoya, Komisarioa. EQZE Alumni

Provence, Kato De Boeck

 

 

Hamabost hilabetez Tabakalerako zinema aretoan "bizi" ondoren, biziki poztu ninduen bere pantaila eta publikoarentzat filmak aukeratzeko gonbidapena jasotzeak, nire film labur gustukoenetako batzuk aurkezteko eskaera, eraikinetik eta Donostiatik kanpo deskubritutakoak. Programa hau lau film laburrek osatzen dute, Europako eta Ameriketako Estatu Batuetako hainbat zinema jaialditan ikusitakoak. Pixka bat lehenago bisitatu nituen festibalak batzuk, Elias Querejeta Zine Eskolan ikasle izan naizen artean beste batzuk. Horiek guztiek arrakasta nabarmena lortu dute zinemaldien eta bestelako zinema lehiaketen zirkuituan 2019an, baina, niretzat, joan den urte eta erdian bizi izandako prestakuntza prozesuaren erakusgarri bihurtu dira, komisario izatearen ikasketaren zati, alegia. Film labur horiek inpresio handia utzi zuten nigan, hainbat gai aztertu eta eztabaidatzeko abiapunta izan ziren, irakasle eta ikasleekin, gure komisario-lanari buruzko Eskolako ikasketa-programan sortu zirenak: publikoak eraikitzeko erronka, sortzen ari diren zinema egiteko moduei eta zinemagileei arreta ematea, genero-berdintasuna eta industrian sartzea, eta zinemak duen eginkizun politikoa eta memoriaren kontserbazioa. Gainera, jaialdi hauek bisitatzeak beren selekzioen aniztasuna (eta batzuetan monotonia) eta programazioaren aberastasuna (eta batzuetan nagikeria) deskubritzea ahalbidetu zidan; azken batean, jaialdi (eta komisario) bakoitzak nortasun bat duela eta hura ordezkatzen duten obrak eskaintzen dizkiela publikoari, beren interes partikularrak adierazten laguntzen dietenak, eta ez soilik aldi baten, formatu baten, eremu geografiko baten "onena" erakusten dutenak. Film labur hauetaz gustukoena sentitzeak eta neureganatzeak aukera eman zidan komisario gisa dudan nortasunaren definizioan aurrera egiteko, baita zinemagileen eta publikoarekin partekatu nahi ditudan filmen definizioan ere.

Gozatu proiekzioaz,

Felipe Montoya Giraldo
Comisario EQZE Alumni 2018-2019

 

Provence, Kato De Boeck, Belgika, 2018, 22'. Palm Springs Shortfest-en ikusia (Kalifornia).

Cadoul, Craciun,  Bogdan Muresanu, Errumania, 2018, 15'. ZINEBI-n ikusia (Bilbao).

Suc de Síndria, Irene Moray, Espainia, 2019, 22'.  Berlinale-n ikusia (Alemania) 

Mthunzi, Tebogo Malebogo, Hegoafrika, 2019, 9'. Locarno-n ikusia (Suitza).

Purpleboy, Alexandre Siqueira, Portugal, 2019, 13.  Curtas Vila do Conde-n ikusia (Portugal).

 

Más actividades de Fokua: Hilabete laburrena:

Buletinera harpidetu!
Tabakalerari lotutako albiste eta berri guztiak jasoko dituzu zure helbide elektronikoan.