Hirikilabs, kultura digitala eta teknologia hiritarraren laborategia | Tabakalera - Donostia / San Sebastián

Laborategiak - Hirikilabs

Hirikilabs teknologiaren erabilera soziala, kritikoa, sortzailea eta kolaboratiboa uztartzen dituen kultura digitalari eta teknologiari eskainitako laborategia da. Tabakalera bezalako nazioarteko kultura garaikidearen ekoizpen zentro baten testuinguruan, mundu digitala, elkarlaneko sorkuntza eta herritarren ekimenak harremanetan jartzen dituzten aktibitateak eskaintzen ditu, esperimentazio eta prototipatze gune bezala.

Hirikilabsek teknologia zergatik, nola eta zertarako erabiltzen dugun hausnartzeko eta horren inguruan esperimentatzeko gunea izan nahi du. Era berean, Tabakalerako baliabide bat ere bada, eta artista eta sortzaileei beren proiektuak garatzeko laguntza eskaintzen die. Halaber, ezagutza libre eta irekia sustatuz, inspirazio iturri ere izan nahi du, bai publiko orokorrarentzat eta baita laborategiaren inguruan mugitzen den komunitatearentzat ere.

Donostia 2016 Europako Kultur Hiriburuak eta Tabakalerak elkarlanean sortu eta garatzen duten proiektua da Hirikilabs. 

Hirikilabs kultura digital eta teknologia laborategi hiritarra

Aipatzekoak

Zer gertatzen da teknologiarekin?

Zeure buruari galdetzen diozu zein puntura arte Lab-ek joera nagusiak partekatu edo erreproduzitzen dituzten? Edo, aldiz, joera horien kontra doazela uste al duzu? Zer gertatzen da teknologiarekin? kultura eta teknologiari lotutako espazioetan gertatzen diren jokabideak zalantzan jartzeko eta birpentsatzeko topaketa da.

Do it in family

Egizu Zuk Zeuk (DIY) eta Egizu Gainerakoekin (DIWO) filosofietan oinarritzen da Egizu Familian (DIF). Laborategiko dinamikak eta bertan darabilkigun lan-prozesuak jarraituz, larunbat goizetan gure etxeko garajeanegin ezin duguna gauzatzeko testuingurua sortuko dugu.

Hirikilabs Plaza

Edonork teknologia edo/eta kultura digitalarekin zer ikusia duen proiektu proposamen bat aurkeztu dezake, modu irekian biltzen den edozein pertsonarekin Hirikilabsen gauzatu ahal izateko. Deialdi honen filosofia kultura librea, diseinu irekia eta ezagutza partekatua sustatzean datza.

 

Deskargak

Hirikilabs - Hiri Laborategia. Eskuorriaren azala

Hirikilabs

Eskuorria (PDF - 2,6 mb)