Horkonpon

Konponketa lantegia

HorKonpon

HorKonpon egunerokoan erabiltzen dugun hainbat tresna konpontzea eta berrerabiltzea ardatz hartzen duen tailer irekia da, eta herritarrak autonomoago bihurtzea (do it yourself) eta talde-lana sustatzea (do it together) ditu helburu. Horretarako, adin eta gaitasun ezberdinetako jendea elkartu nahi ditu eta, teknika eta teknologiari buruzko ezagutzak partekatzearen bidez, elkarrengandik ikasteko bideak ireki nahi ditu.

Beraz, irrati, entxufe, jostailu, kremailera edo bestelako edozein traste konpontzeko gai den edonor gonbidatuta dago HorKonpon gunera etortzera. Bestalde, funtzionatzen ez duten gailu guztiak ganbara eta trastelekuetatik atera eta Tabakalerara ekartzeko deia egin nahi du antolakuntzak, parte-hartzaile guztion artean konponduko baititugu.

HorKonponen parte hartzeko ondoko bi baldintzetako bat (ala biak) bete beharko du edonork: askotariko eskulanen arloan irakasteko zerbait izatea edo ikasteko gogoa izatea. Azken batean, helburua da ahal bezainbeste abilezia eta ezagutza partekatzea, tankera honetako eginkizunak taldean egin ahal izateko: arotz-lanak, joste-lanak, elektrizitate-lanak, mekanikarekin lotutako zereginak, zapaten konponketa, etab.

 

 

 

  • Data: Larunbata, 2015ko Uztailak 11 > Larunbata, 2017ko Abenduak 9
  • Ordutegia: 10:00-14:00 (Hilean behin, bigarren larunbatarekin)
  • Lekua: Ubik. Tabakalerako sorkuntza liburutegia
  • Sarrera: Librea