JoLabs - Jolastegieta - Ana Almandoz, Gorka Segurola Dorronsoro | Tabakalera - Donostia / San Sebastián

Jolastegieta

8 eta 14 bitartekoentzat jolasak sortzeko lantegia

Jolabs - jolasak kateatuak

Aldatu dira gure aiton-amonen jolasak, txorromorropikotaioketik gaur egungo mugikorreko aplikazioetaraino. Kaleko jolasak, mahai-jokoak, bideo-jokoak… ez dira gure gurasoak jolasten zituzten berak.

Baina gauza batzuk ez dira aldatu: jolasak jolas izaten jarraitzen du, haur eta gazteek jolasten jarraitzen dute eta jolasak heziketa prozesuaren zati garrantzitsu izaten jarraitzen du.

2017ko irailetik abendura bitarte egindako jolasen lantegi serieari jarraituko diogu eta mekanika, eraikuntza eta elektronika jolasak sortu ondoren, oraingoan, gaur egun erabiltzen ditugun jolasak ikusiko ditugu. Zein jolas dugu gustoko? Zergatik? Zein logika eta arau jarraitzen dituzte? Nolakoak izan beharko lukete gure gustoko jolasek?

Sei saiotako prozesu honetan, jolasa ardatz hartuta, hainbat laborategiko ikasketa dinamikak martxan jarri eta Hirikilabseko hainbat teknologia ezagutuko ditugu: fabrikazio digitala, elektronika, programazioa... Jolasean oinarritutako ikaskuntza prozesuetan sakonduko dugu, jolasa entretenimendua izateaz gain haurren ikasketa esperientziarako baliabide ezin hobea baita.

Jolas tradizionalenetan nahiz jolas interaktiboetan inspiratuta eta jolas kolaboratiboetan oinarrituta denon artean gure neurrirako jolas bat sortuko dugu.

Gonbidatuak