Bizigarriak: zirkulazioa eta euforia - Kearen politikak | Tabakalera - Donostia / San Sebastián
kearen politikak
Partekatu!

Kearen erabilpen zabalduenetako bat espirituen helegitea izan da. Bere lurrunkortasun lodi eta itxura aldakorrak beste munduetako izakien dei eta harrerarako egokia egiten du. Ugariak dira gorputzaren jabe egiteko espirituek kea tresna bezala erabiltzen duteneko erritoak. Hartutako gorputzari beste aldetik, banakotasunaz haratago bidai bat egitea ahalbidetzen dio, nolabaiteko esperientzia transzendentala eskuragarri eginaz. Ohitura modernoek bere arnastea tabakaoaren gisako bizigarrien eguneroko kontsumorako modu berritzaileneetan bihurtu zuten.

Bizigarriak: Zirkulazioa eta Euforia proiektuaren barruan,  “Kearen Politikak” izeneko atal hau aurkeztu nahi da 2016 urtean zehar, gonbidatu ezberdinen bitartez zenduriko autore ezberdinen hitzaldiak taularatu, ahoskatu eta komentatuko dira. Horrela Tabakalerako espazioan Karl Kraus, Simone Weil, Aby Warburg, Albert Hofmann, Jóse Martí, Maria Zambrano edo David Foster Wallace-n gisako idazle, filosofo, politikari, kimikalari, poeta eta artisten ahotsak konbokatuko dira, Asier Mendizabal (artista), Esteban Zamora (filosofoa), Gema Intxausti (artista), Xabier Arakistain (arte komisarioa), Danele Sarriugarte (idazlea), Josebe Martinez (antropologa), Lars Bang Larsen (idazlea eta komisarioa) edo Valentin Roma (saiogile eta arte komisarioa) bezelako egileen eskutik.

Antropologiak posesioa, jakinduriaren eramaile gisa inbokatu eta jasotzen diren espirituenganako sinismenarekin estuki lotua dagoela erakusten digu. Printzipioz, zentzu eta eraginkortasunik gabeko praktika bat izango litzatekeena denbora zentzu jarrai eta homogeneo batean soilik arrazionalizatzeko gai den mundu batentzako.

Aby Warburg irudien historiagileak “biziraupena” terminoa erabili zuen gure ondare kulturala, denbora ezberdinek gurutzaturiko sare erraldoi baten gisa berdefinitzeko. Bere hausnarketetan  denbora historikoen geruza eta dentsitate ezberdinak insistentziaz aipatuko ditu. Aintzinako irudiak itzuli, berpiztu, egiten direneko zurrunbilo honetan amaigabeak diren hainbat harreman gurutzatu emango liratezke. Irudien historiari aurre egiteko Warburg-ek osatuko duen hiztegian, indarra edo potentzia gisako hitz-gakoak aurki ditzazkegu, artea bizitasunetik ulerturiko dimentsio baterako ulermenean.

Programa hau bizigarriak pentsatu eta pentsamendua piztu nahi dituen proiektu baten baitan kokatzen da.

Jarduerak

  • Aurkezpenak
    2016-01-22 - 17:30

    Gonbidatu ezberdinen bitartez zenduriko autore ezberdinen hitzaldiak taularatu, ahoskatu eta komentatuko dituen atalaren aurkezpena.

    Lekua: - Prisma

    + Info

  • Hitzaldiak eta mintegiak
    2016-02-26 - 19:00

    Saio honetan Asier Mendizabal artistak Karl Kraus, austriar idazle eta kazetaria berpiztuko du.

    Lekua: - Z Aretoa

    + Info

  • Hitzaldiak eta mintegiak
    2016-03-17 - 19:00

    Kearen politikak programaren hitzordu honetan, Gema Intxausti artistak Aby Warburg-en "El ritual de la serpiente" hitzaldia taularatuko du.

    Lekua: - Z Aretoa

    + Info

  • Hitzaldiak eta mintegiak
    2016-04-28

    Ernst Jünger idazle, filosofo eta historiagile alemanari Euskal Herriko Unibertsitatean antolatu zitzaion sinposio-omenaldian, Albert Hofmann-ek 1989ko urriaren 18an emandako hitzaldia da.

    Lekua: - Z Aretoa

    + Info

  • Hitzaldiak eta mintegiak
    2016-05-26

    Fabula bat kontatuz abiatzen da David Foster Wallacek Kenyon College-ko ikasle graduatuei 2005ean eman zien hitzaldia.

    Lekua: - Z Aretoa

    + Info

  • Hitzaldiak eta mintegiak
    2016-06-30

    Maria Zambranoren pentsaera behin eta berriz aldarrikatu izan da hiru nostalgia moldetik.

    Lekua: - Z Aretoa

    + Info

  • Hitzaldiak eta mintegiak
    2016-10-27 - 19:00

    Simone Weilek bere bizitzan eman zuen hitzaldi bakarra, 1937ko otsailaren 23an, langileez osatutako publiko baten aurrean, gorpuztuko du Esteban Zamorak.

    Lekua: - Z Aretoa

    + Info

  • Hitzaldiak eta mintegiak
    2016-11-24 - 19:00

    Josebe Martínez Hispano-amerikar Literaturako irakasleak José Martí poetaren 'Montecristiko manifestua' hitzaldia gorpuztuko du. 

    Lekua: -

    + Info

  • Aurkezpenak
    2017-05-20 - 19:00

    Hitzaldi historikoak berregitea helburu duen Kearen Politikak programaren baitan hainbat gonbidatu izan genituen 2016 urtean zehar. Bizigarriak Zirkulazioa eta Euforia erakusketaren barruan eta Museoen Nazioarteko Egunaren testuinguruan egingo den aurkezpen honetan, argitalpen lerro berri baten lehen hiru argitalpenak aurkeztuko dira. Lehen entrega honetan Karl Kraus poeta eta idazlearen, Aby Warburg arte historialariaren eta David Foster Wallace idazlearen hitzaldiak jasoko ditu Kearen Politikak bildumak. Aurkezpenean izango ditugu argitalpen hauetan ekarpenak egin dituzten Asier Mendizabal, Gema Intxausti eta Danele Sarriugarte egileak.

    Lekua: - Erakusketa Aretoa

    + Info

  • Aurkezpenak
    2017-11-26 - 18:00

    Ander Lipus aktoreak Ander Berrojalbizen Herejeen alaba obra irakurriko du, Pamiela argitaletxeak argitaratu berri duena. Maider López Delgadok (biola) eta Ander Berrojalbizek (arrabita) osatzen duten Khantoria taldearen erdi-aroko musikak girotuko du irakurketa.

    Lekua: - Z Aretoa

    + Info