Kultura Eta Sormen Industrien Nazioartekotze Programa Pilotua | Tabakalera - Donostia / San Sebastián

Kultura Eta Sormen Industrien Nazioartekotze Programa Pilotua

 

Aurkezpena

Eusko Jaurlaritzaren Kultura eta Hizkuntza Politika Sailak sustatu eta Tabakalera, Kultura Garaikidearen Nazioarteko Zentroak kudeatuta, Kultura eta Sormen Industrien (KSI) Nazioartekotze Programa Pilotuak, Euskadiko kultura eta sormen sektorean hautatutako enpresei, ondorengo doako zerbitzuak eskaintzen dizkie:

    • NAZIOARTEKOTZE DIAGNOSTIKOA, zure enpresaren nazioarteko merkatuetara heltzeko potentziala ezagutzea ahalbidetuko dizuna (70 enpresa arte aukeratu ahal izango dira).
    • NAZIOARTEKOTZE PLANA, atzerriko negozio aukerak guztiz aprobetxatzeko bide-orria diseinatzen lagunduko dizugu (20 enpresa arte aukeratu ahal izango dira).
    • FORMAKUNTZA PLANA, Kultura eta Sormen Industriekin zerikusia duten gaietan oinarrituta.

 

Parte hartzeko gutxieneko baldintzak

    • Bi pertsona edo gehiagoko enpresa izatea. Bestalde, salbuespen moduan kontutan edukiko dira pertsona bakarreko bi (edo gehiago) enpresen bateratzetik garaturiko proiektuak (klusterrak eta enpresa elkarteak kanpoan geratuz).
    • Kultura eta Sormen Industrien sektoreko parte izatea.
    • Enpresa pribatua izatea, edo gehienezko %50eko partaidetza publikoa izatea.
    • Zerga-egoitza Euskadin egotea.

 

Eskaera epea
    • Eskaera epea 2019ko maiatzaren 14tik uztailaren 5era irekita egongo da.

 

Programan parte hartzeko eskaera igorpena
    • Programan interesa duten enpresek hurrengo eskaera-inprimakia betez aurkeztu ahal dira: eskaera-inprimakia.
    • Onarpen eskaerarekin edo programarekin zalantzaren bat izatekotan, hurrengo helbidera bideratu ksi@tabakalera.eu 

Lehen fasea: Nazioartekotze diagnostikoak

KSIatearen lehen edizio pilotua aurrera doa, egun, diagnostikoen egite fasean dagoelarik. KSIatea, euskal enpresek merkatu berriak bilatzeko beharrari erantzuteko eta laguntzeko bokazioarekin jaio zen.

Momentu honetan, KSIatea Nazioartekotze Diagnostikoen burutze fasean dago. Prozesu honetatik irtendako txostenak, enpresek nazioarteko merkatuei aurre egiteko orduan, beren erakundearen egoeraren erradiografia eskainiko dute.

Orain arte, partaidetza pozgarria izan da eta programa pilotuak 56 eskaera jaso ditu, horietatik 53 KSIatearen diagnostiko fasean onartuak izan dira.

Enpresen lurralde historikoen araberako partaidetzari dagokionez, Bizkaia (%45-a) eta Gipuzkoaren (%44-a) artean oreka dago, hala ere, Araban (%11) partaidetza baxuagoa izan da.

Kultura eta Sormen Industrien sektore bakoitzaren partaidetzari dagokionez, KSIateak kultura eta sormen industrien sektore guztien ordezkapen garrantzitsua dauka. Arte Eszenikoen (%20-a), Ikus-entzunezkoen (%18-a) eta Musika (%16-a) sektoreen eskaeren kopurua nabarmentzen da.