Erakusketa - Organismo bizidunen agentzia - | Tabakalera - Donostia / San Sebastián

Organismo bizidunen agentzia

Partekatu!

Pauline Doutreluingne komisario eta ikerlari independente belgikarrak komisariatutako Organismo bizidunen agentzia erakusketak egitura sozialen eta naturaren arteko harremanak hartzen ditu abiapuntutzat, arte garaikidearen ikuspuntutik. Bertako zein nazioarteko 13 sortzaileren lanak biltzen ditu erakusketak: Anne Duk Hee Jordan, Esther Kokmeijer, Gerard Ortín, Iain Ball, Iratxe Jaio & Klaas van Gorkum, Lara Almáacegui, Maider López, New Mineral Collective, Tere Recarens, Tue Greenfort, El Conde de Torrefiel, Koenraad van des Driessche eta Nader Koochaki.

Organismo bizidunen agentzia litosferan, atmosferan, biosferan eta hidrosferan presente dauden fenomeno eta ekosistemen arteko elkarreragin eta komunikazioa ardatz duen erakusketa da, baina horietara arte garaikidearen esparrutik hurbiltzen da. Erakusketarako aukeratutako lanek eta artistek ikuspuntu ezberdinetatik heltzen diote gizakiok Lurrean, munduan, uzten ari garen lorratzari. Gizakia natura eraldatzen ari da, natura modu berri bat sorrarazten. Gizakiak lurrean eragindako aldaketa horien guztien baturak sortu du natura berri hori; teknosferak eta biosferak elkarri eragiten diote fenomeno neo-natural baten sortuz. Erakusketako lan eta artista guztiak lotzen dituen haria, hain zuzen, gizakiaren eskutik natura jasaten ari den eraldaketa horretara modu kritikoan hurreratzen direla da.

Erakusketaren hasierako bulkada mikro-eskalako obserbazio batetik sortzen da: gizakiokin parekatuz, landareek eta beste organismo bizidun batzuek ezaugarri sentsorial sorta batzuk dituzte, sarri izugarri sofistikatuak direnak, beren inguruarekin elkar-eragina izateko. Era bertsuan, inguruarekiko sentsibilitate handia izatea da artista askoren ezaugarria ere. Beraz, erakusketa honek bi protagonista horien arteko elkar-eragina aztertzeko aukera eskaintzen digu.

Erakusketa honek duela justu urtebete, 2015eko azaroan, egindako egonaldi batean du jatorria. Pauline Doutreluingne-ren proiektua Tabakalerak komisariotza egonaldietarako egindako lehen deialdian hautatu zuen Laurence Rassel, Marta Ponsa eta Inazio Eskuderok osatutako epaimahaiak, 75 proposamenen artean. Ikerlari belgikarra lau astez aritu zen bere proiektua garatzen Tabakaleran. Inguruko artistak ezagutzeko aukera izan zuen baita bere ikerketarako interesgarri suerta zitezkeen proiektu eta lekuak ere, Zumaiako Flyscha, esaterako.

Proiekturako apropos ekoiztu diren lanak eta jada eginak zeudenak elkarren ondoan jartzen ditu, bizia duen eskultura sozial baten modura, etengabe zabaltzen den formatu bat, Tabakalerako erakusketa aretoarenparetak hiri, natura eta 'online' ingurugiroari irekiz, www.agencyoflivingorganisms.com helbidean.

 

 

Dokumentazioa

 

ORRIAK. ERAKUSKETAREN ARGITALPENA:
 

logo issuu Issuu-n irakurri: Orriak - 5
 

descargar Pdf-a jaitsi: Orriak - 5 (pdf - 1.1mb)

Jarduerak

  • Performanceak eta antzezpenak
    2017-02-05 - 17:00

    Kilian Jornet-en 'Korrika egin edo hil' liburua irakurtzea proposatzen du Nader Koochaki-k, ahots ozenez eta ahalik eta lasterren, hasieratik amaiera arte. Irakurketa bakarra da, ekintza modukoa, probasaiorik edo helbururik gabea. 

    Lekua: - Erakusketa Aretoa

    + Info

  • Bisita gidatuak
    2016-11-30 > 2017-01-25 - 18:30 (Hilabeteko azken asteazkenean)

    Bisita hauek hezitzaileak, zientzialariak, biologoak, historialariak, antropologoak, ikasleak... gonbidatzea proposatzen dute erakusketetan interpretazio berriak egin eta zentzu geruzak gainera ditzaten.

    Lekua: - Erakusketa Aretoa

    + Info

  • Bisita gidatuak
    2016-11-13 - 11:00

    Koenraad Van den Driesche geologoak ibilaldi bat gidatuko du denbora sakonean barrena eta, bien bitartean, denbora-lerro bat marraztuko du, klarionaz, hasi Big Bangaren garaitik eta Antropozenoraino.

    Lekua: - Info Puntua

    + Info

  • Conferencias y seminarios Visitas guiadas
    2016-11-08 > 2017-01-10 - 18:30 (Hilabeteko bigarren astearteetan)

    Testu-inguruan, Tabakalerako erakusketekin batera funtzionatzen duen ikerketa talde bat da.

    Lekua: - Erakusketa Aretoa

    + Info

  • Bisita gidatuak
    2016-11-06 > 2016-12-11 - 11:00

    Ia hiri guztiek eskaintzen digute tokiko fosilak aztertzeko aukera. Koenraad Van den Driesche geologoak ibilaldi bat gidatuko du Donostian dauden fosilak azaleraziz.

    Lekua: - Info Puntua

    + Info

  • Exposiciones Visitas guiadas
    2016-11-02 > 2017-02-01 - Hilean bi asteazken 18:00 (ES) eta 19:00 (EU)

    'Organismo Bizien Agentzia' erakusketaren edukietan murgiltzeko bisita solasaldiak, Tabakalerako hezkuntza taldeak gidatuta.

    Lekua: - Erakusketa Aretoa

    + Info

  • Bisita gidatuak
    2016-10-23 > 2017-01-21 - 11:00

    Koenraad Van der Driesche geologoak gidatutako ibilaldi gidatu honetan Donostiaren garapen geologiko eta historikoari buruzko ikuspegi txukun bat ezagutzeko aukera izango dugu.

    Lekua: - Info Puntua

    + Info

  • Performanceak eta antzezpenak
    2016-10-22 > 2016-10-23 - 17:00/18:00 (Iraupena: ordu 1)

    'Organismo bizien agentzia' erakusketa lagunduko duen jarduera programaren baitan, hiriko gune baten "nerbio sistema" eraldatuko du, parte hartuko duten pertsonek hiria hedatutako izaki bizidun gisa esperimenta dezaten.

    Lekua: - Uliako Lore Baratzak

    + Info

  • Hitzaldiak eta mintegiak
    2016-10-22 - 12:00

    Esther Kokmeijer artistak emango duen hitzaldia bere ikerketa proiektuan oinarritzen da.

    Lekua: - Sortzaileen gunea

    + Info

  • Performanceak eta antzezpenak
    2016-10-21 - 20:30

    Irakurketari eta behaketari buruzko obra bat da El Conde de Torrefiel konpainiaren 'Paisaiaren aurrean desagertzen den aukera'. Liburu ireki gisa diseinatua izanik, pieza honek munduko atmosfera, pentsamendu eta memoria hautemanezinak deskribatzen ditu.

    Lekua: - Patioa

    + Info

  • Erakusketak
    2016-10-21 - 19:00

    'Organismo bizidunen agentzia' erakusketak ekosistema desberdinen eta litosfera, atmosfera, biosfera eta hidrosferaren artean ematen diren elkarrekintza eta komunikazioak aztertzen ditu.

    Lekua: - Erakusketa Aretoa

    + Info