Gutun Zuriak (GZ) - Viennale 3: What You Gonna Do When the World's on Fire? - Eva Sangiorgi | Tabakalera - Donostia / San Sebastián

Viennale 3: What You Gonna Do When the World's on Fire?

Eva Sangiorgik aurkeztuta

What You Gonna Do When the World's on Fire?

 

Aurkezpena: Eva Sangiorgi

 

What You Gonna Do When the World's on Fire?, Roberto Minervini, Italia- AEB- Frantzia, 2018, 123'
DCP, JB EN, Azp ES

Minerviniren film berriena aurtengo Veneziako zinema-jaialdian estreinatu zen, eta desbideratze bitxi bat erakusten du. What you gonna do when the world’s on fire? da zuzendariak zuri-beltzean egin duen lehenengo filma, eta lehenbizikoz islatzen ditu auzo beltz bateko biztanleak. Filmean –Ku Klux Klanak egindako hainbat hilketa basati eta krimen bortitzen testuinguruan kokatua–, Minervinik Autodefentsarako Pantera Beltzen Alderdi Berriaren ekintzei jarraitzen die, New Orleansen. Etxeetara eginiko bisiten, topaketen eta protesten bidez, emakumeek zuzendutako talde horren asmoa da komunitate beltzak kausan sinestea eta erresistentziarako mobilizatzea. Eszena horiez gain, «Black Power»en doinura eta leitmotiv moduko batek eramanak direnak, Minervinik bi anaiari jarraitzen die. Beraien egunerokotasuna denbora-pasa egotean eta amaren errieta onberak jasatean datza. Taberna baten jabe kementsu bat bilakatzen da film honen erdigune. Beraz, Minervinik trebeki aldatzen ditu ikuspuntuak: publikoaren eta pribatuaren artean, eta generazioen eta generoen artean. Arrazismoa eta indarkeria –argi dago– ez dira desagertuko Mardi Gras inauteriko prestaketen ostean. (Michael Pekler) 

Más actividades de Gutun zuriak: Viennale:

Buletinera harpidetu!
Tabakalerari lotutako albiste eta berri guztiak jasoko dituzu zure helbide elektronikoan.

Guests

Eva Sangiorgi

Zine programatzailea